ELECTRO

Prezioak : 13 €tik 16 €rat / Bertan 19 € / 2 Egun Bonoa 20 € / Orain erosi
Auto partekatu

20:00 IRAILAREN 21a OSTIRALA

Atabal, Le Festin Nu & Franck Cazenave aurkezten dute :


MORE #6

Festin NU liburu dendako MO.RE gertakarien arrakastaren ondorioz, 2018ko irailean, topaketa memento bereziekin segitzea erabaki dugu, hau da, musikaren, literaturaren eta artearen arteko hitzordu bat antolatzea. Gertakari horrek bizitasunez betea izateko xedea du. Parentesia bat, geldialdi bat izan gogo du; lorategi batean, aulki gainean, liburu bat irakurtzean bezala. Programatu artistak arreta handienarekin hautatu ditugu. Adierazpide bereziak, finak eta sakonak eta bizipen goxo eta mamitsuak eskaintzen dituzte ».

CHLOE - ENDLESS REVISIONS LIVE -

Aurkezpenik behar ez duen artista da. Pariseko DJak eta tekno ekoizleak belaunaldi oso bat bereganatu du eta tekno musikaz eta diskotekaz haratago doan musika elektronikoaren eremura ekarri du. « Endless Revisions » hirugarren diskoarekin, usaiako sailkapenak saihesten dituen eta arauak aise gainditzen dituen musikaria dela frogatzen du. Gaur egungo musiken ikuspegi linealegia apurtzen eta hobetzen saiatzen da. « Endless Revisions » alderdi anitzeko diskoa da. Artista anitzekin elkartu izanaren emaitza da ere: New Yorkeko abangoardiako musiken figura den Rhys Chathamekin, Suuns taldeko Ben Shemierekin eta hirugarren disko sofistikatu eta dotore hau aberastu eta trinkotu duen Alain Chamfortekin. Musika sortzea ideia artistiko bat garatzea da. Musika elektronikoak aukerak biderkatzen ditu eta Chloék ikus-entzunezko dimentsioen mugak aise gainditzen ditu. Hala, eragin anitzeko disko bizia osatu du. Musika irudikatua eta irudi musikalak sortzen dituela esan ohi da. Atabalen, lehen aldiz, « Endless Revisions » zuzeneko berria eskainiko du.



STANDART: Warm up eta after ostatuan

Mundu desberdinetarik jin artistek osatutako kolektibo bat da. Estetika eta musika uztartzeko xedea du. Ezaugarri bereziko lekuak hartu, eta, han, gaualdiak antolatzen ditu. Hala, leku berezi horietan (teilatuetan, hiri eremu beteko “oasi” batean, itsasoari begirakoan...), honako helburuak betetzen saiatzen da: musika eszena alternatibo bat sortzea, giro berezia sortzea eta adin eta ingurune guzietako jendeak biltzea.